ಪಾಚಿಗಟ್ಟಿದ ಪಾಗಾರ ಕೃತಿಯಲ್ಲಿ ಮಾತೃಮೂಲೀಯ ನೆಲೆಗಳು

Abstract

ಭಾರತೀಯ ಸಾಮಾಜಿಕ ಇತಿಹಾಸದಲ್ಲಿ ಕರಾವಳಿಯ ಮಾತೃಮೂಲೀಯ ವ್ಯವಸ್ಥೆ ಮತ್ತು ಅದರ ಸಾಂಸ್ಕೃತಿಕ ಮೌಲ್ಯಗಳು ವಿಶಿಷ್ಟ ಸ್ಥಾನವನ್ನು ಪಡೆದಿವೆ. ಮಿತ್ರಾ ವೆಂಕಟ್‌ರಾಜ್ ಅವರ ‘ಪಾಚಿಗಟ್ಟಿದ ಪಾಗಾರ’ ಕಾದಂಬರಿಯು ಈ ವ್ಯವಸ್ಥೆಯು ಪಿತೃಸತ್ತಾತ್ಮಕ ಪಲ್ಲಟಗಳಿಗೆ ಒಳಗಾಗುತ್ತಿರುವ ಸಂಕ್ರಮಣ ಕಾಲದ ತಲ್ಲಣಗಳನ್ನು ಸಮರ್ಥವಾಗಿ ಚಿತ್ರಿಸುತ್ತದೆ. ಕುಟುಂಬದ ಕೇಂದ್ರವಾಗಿರುವ ತಾಯಿಯ ಮೌನ, ಸಹನೆ ಮತ್ತು ಆಂತರಿಕ ಸಂಘರ್ಷಗಳು ಇಲ್ಲಿ ಪ್ರಧಾನವಾಗಿ ಚರ್ಚಿತವಾಗಿವೆ. ‘ಪಾಗಾರ’ ಎಂಬುದು ಕೇವಲ ಭೌತಿಕ ಗಡಿಯಾಗಿರದೆ, ಸ್ತ್ರೀ ಸ್ವಾತಂತ್ರ್ಯದ ಮೇಲಿರುವ ಸಾಮಾಜಿಕ ನಿಯಂತ್ರಣದ ಪ್ರಬಲ ರೂಪಕವಾಗಿದೆ ಎಂಬುದನ್ನು ಇಲ್ಲಿ ವಿಶ್ಲೇಷಿಸಲಾಗಿದೆ. ಕರಾವಳಿಯ ಇತರ ಸಾಹಿತ್ಯ ಕೃತಿಗಳೊಂದಿಗೆ ತೌಲನಿಕವಾಗಿ ಪರಿಶೀಲಿಸುತ್ತಾ, ಈ ಕೃತಿಯು ಒಂದು ಸಂಸ್ಕೃತಿಯ ಮೌನ ಇತಿಹಾಸ ಮತ್ತು ಮಹಿಳಾ ಅಸ್ತಿತ್ವದ ಪಲ್ಲಟಗಳನ್ನು ಹೇಗೆ ದಾಖಲಿಸುತ್ತದೆ ಎಂಬುದರ ಮೇಲೆ ಬೆಳಕು ಚೆಲ್ಲಲಾಗಿದೆ. ಮಾತೃಮೂಲೀಯ ನೆಲೆಗಳ ಕುಸಿತ ಮತ್ತು ಸಮಕಾಲೀನ ವಾಸ್ತವದ ಸಂಘರ್ಷವನ್ನು ಅರ್ಥಮಾಡಿಕೊಳ್ಳಲು ಈ ಅಧ್ಯಯನವು ಮಹತ್ವದ್ದಾಗಿದೆ.