ಇತ್ತೀಚಿನ ಮಹಿಳಾ ಕಾವ್ಯ: ಸ್ತ್ರೀ ಸಂವೇದನೆಯ ನೆಲೆಗಳು

Abstract

ಆಧುನಿಕ ಕನ್ನಡ ಮಹಿಳಾ ಕಾವ್ಯವು ಕೇವಲ ಮುಕ್ತ ಅಭಿವ್ಯಕ್ತಿಯಾಗಿರದೆ, ಪುರುಷ ಪ್ರಧಾನ ಸಮಾಜದ ಚೌಕಟ್ಟುಗಳನ್ನು ಮುರಿಯುವ ಮತ್ತು ಹೆಣ್ಣಿನ ಅಸ್ಮಿತೆಯನ್ನು ಕಟ್ಟಿಕೊಡುವ ಪ್ರಬಲ ಮಾಧ್ಯಮವಾಗಿ ಬೆಳೆದಿದೆ. ಸ್ವಾತಂತ್ರ್ಯ ಚಳುವಳಿ, ದಲಿತ-ಬಂಡಾಯ ಸಾಹಿತ್ಯ ಹಾಗೂ ಸಾಂಸ್ಥಿಕ ಪ್ರಯತ್ನಗಳ ಹಿನ್ನೆಲೆಯಲ್ಲಿ ರೂಪುಗೊಂಡ ಈ ಕಾವ್ಯಪರಂಪರೆಯು ಅಕ್ಕಮಹಾದೇವಿಯ ವಿಚಾರಧಾರೆಗಳನ್ನು ಹೊಸ ಕಾಲಘಟ್ಟದಲ್ಲಿ ಮರುಪರಿಶೀಲಿಸುತ್ತಿದೆ. ವಿವಿಧ ಕವಯಿತ್ರಿಯರ ಕವನಗಳು ಸಾಮುದಾಯಿಕ ಪ್ರಜ್ಞೆ, ಪುರಾಣ ಪಾತ್ರಗಳ ವಾಸ್ತವಿಕ ಮರುಸೃಷ್ಟಿ, ದೈನಂದಿನ ಬದುಕಿನ ತಲ್ಲಣಗಳು ಮತ್ತು ಲಿಂಗ ಸಮಾನತೆಯ ಹಂಬಲವನ್ನು ದಿಟ್ಟವಾಗಿ ಅಭಿವ್ಯಕ್ತಿಸಿವೆ. ಸಂಪ್ರದಾಯ ಮತ್ತು ಆಧುನಿಕತೆಯ ಮುಖಾಮುಖಿಯಲ್ಲಿ ಸ್ತ್ರೀ ಸಂವೇದನೆಯ ವಿವಿಧ ನೆಲೆಗಳನ್ನು ಶೋಧಿಸುತ್ತಾ, ಸಾಮಾಜಿಕ ಸುಧಾರಣೆ ಹಾಗೂ ಸಮಕಾಲೀನ ಸವಾಲುಗಳಿಗೆ ಮಹಿಳಾ ಕಾವ್ಯವು ಹೇಗೆ ಪ್ರಬಲವಾಗಿ ಸ್ಪಂದಿಸುತ್ತಿದೆ ಎಂಬುದನ್ನು ಇಲ್ಲಿ ವಿಶ್ಲೇಷಿಸಲಾಗಿದೆ.