ಅಮರೇಶ ನುಗಡೋಣಿಯವರ ‘ದಡ ಸೇರಿಸು ತಂದೆ’ ಸಂಕಲನದ ಕತೆಗಳ ಕುರಿತು

Abstract

ಅಮರೇಶ ನುಗಡೋಣಿಯವರ ಕೇಂದ್ರ ಸಾಹಿತ್ಯ ಅಕಾಡೆಮಿ ಪುರಸ್ಕೃತ ‘ದಡ ಸೇರಿಸು ತಂದೆ’ ಕಥಾಸಂಕಲನವು ಬದುಕಿನ ಸಂಕೀರ್ಣತೆಗಳನ್ನು ಮತ್ತು ಸೂಕ್ಷ್ಮಗಳನ್ನು ಅತ್ಯಂತ ವಿಸ್ತಾರವಾಗಿ ಕಟ್ಟಿಕೊಡುತ್ತದೆ. ಕಲ್ಯಾಣ ಕರ್ನಾಟಕದ ಹಿನ್ನೆಲೆಯಲ್ಲಿ ಮೂಡಿಬಂದಿರುವ ಈ ಕೃತಿಯ ಆಶಯವನ್ನು ‘ಜೂಜು’ ಮತ್ತು ‘ದಡ ಸೇರಿಸು ತಂದೆ’ ಎಂಬ ಎರಡು ಪ್ರಾತಿನಿಧಿಕ ಕತೆಗಳ ಮೂಲಕ ಇಲ್ಲಿ ವಿಶ್ಲೇಷಿಸಲಾಗಿದೆ. ‘ಜೂಜು’ ಕತೆಯು ಮನುಷ್ಯ ಸಂಬಂಧಗಳು, ಧಾರ್ಮಿಕ ಬಿಕ್ಕಟ್ಟು ಹಾಗೂ ವ್ಯವಸ್ಥೆಯ ತಾರತಮ್ಯವನ್ನು ನೈಜವಾಗಿ ಚಿತ್ರಿಸಿದರೆ, ‘ದಡ ಸೇರಿಸು ತಂದೆ’ ಕತೆಯು ನಿಸರ್ಗ-ಮನುಷ್ಯನ ನಡುವಿನ ಸಂಘರ್ಷ ಹಾಗೂ ಬಂಡವಾಳಶಾಹಿಗಳ ಶೋಷಣೆಯನ್ನು ಅದ್ಭುತ ರೂಪಕಗಳ ಮೂಲಕ ತೆರೆದಿಡುತ್ತದೆ. ಕತೆಗಾರರ ವಿಶಿಷ್ಟ ಪ್ರಾದೇಶಿಕ ಭಾಷೆ, ದಟ್ಟ ವಿವರಗಳು ಮತ್ತು ಜೀವಪರ ಕಾಳಜಿಗಳು ಸಮಕಾಲೀನ ತಲ್ಲಣಗಳಿಗೆ ಹೇಗೆ ಕನ್ನಡಿ ಹಿಡಿಯುತ್ತವೆ ಎಂಬುದನ್ನು ಇಲ್ಲಿ ಸಮರ್ಥವಾಗಿ ಮಂಡಿಸಲಾಗಿದೆ.