ಚದುರಂಗರ ಮೂರು ಕಥೆಗಳ ವಿಶ್ಲೇಷಣೆ

Abstract

ಚದುರಂಗರ ಕಥನಶೈಲಿ ಮಾನವೀಯತೆ, ಕೋಮುಸೌಹಾರ್ದ, ಬಡತನ, ಅಸಹಾಯಕತೆ, ಪ್ರೀತಿ, ಪಶ್ಚಾತ್ತಾಪ ಹಾಗೂ ಕೋಮುವಾದದಂತಹ ಸಾಮಾಜಿಕ ವಾಸ್ತವಗಳನ್ನು ಸೂಕ್ಷ್ಮವಾಗಿ ಅನಾವರಣಗೊಳಿಸುತ್ತದೆ. ಈ ಲೇಖನದಲ್ಲಿ ‘ದಿಬ್ಬ’, ‘ತುಲಸಿ’ ಮತ್ತು ‘ತಿರುವು’ ಎಂಬ ಮೂರು ಕಥೆಗಳನ್ನು ವಿಶ್ಲೇಷಿಸಲಾಗಿದೆ. ‘ದಿಬ್ಬ’ ಕಥೆಯಲ್ಲಿ ಸಲೀಮ ಸಾಬರ ಬದುಕಿನ ಮೂಲಕ ಹಸಿವು, ಸಾವು ಮತ್ತು ಪಾಪಪ್ರಜ್ಞೆಯ ನಡುವಿನ ಸಂಘರ್ಷವನ್ನು ಚಿತ್ರಿಸಲಾಗಿದೆ. ‘ತುಲಸಿ’ಯಲ್ಲಿ ಧರ್ಮದ ಗಡಿಗಳನ್ನು ಮೀರುವ ಪ್ರೀತಿ, ಬಡತನ ಮತ್ತು ಅಸಹಾಯಕತೆಯ ದುರಂತವನ್ನು ವಿಶ್ಲೇಷಿಸಲಾಗಿದೆ. ‘ತಿರುವು’ ಕಥೆ ಕೋಮು ಗಲಭೆಯ ಹಿನ್ನೆಲೆಯಲ್ಲಿಯೂ ಮಾನವೀಯತೆ ಮತ್ತು ಸಹಜೀವನದ ಮೌಲ್ಯವನ್ನು ಪ್ರತಿಪಾದಿಸುತ್ತದೆ. ಈ ಮೂರು ಕಥೆಗಳ ಮೂಲಕ ಚದುರಂಗರು ಧರ್ಮ, ಜಾತಿ, ಕೋಮುವಾದಗಳಿಗಿಂತ ಮನುಷ್ಯತ್ವವೇ ಶ್ರೇಷ್ಠ ಎಂಬ ಆಶಯವನ್ನು ಪರಿಣಾಮಕಾರಿಯಾಗಿ ಪ್ರತಿಪಾದಿಸಿದ್ದಾರೆ.