അനുകല്പനത്തിലെ പ്രശ്‌നങ്ങളും സാധ്യതകളും: “കെ.ടി.എൻ. കോട്ടൂർ എഴുത്തും ജീവിതവും", "ഞാൻ" എന്നീ രചനകളെ മുൻനിർത്തിയുള്ള പഠനം

Abstract

ടി.പി. രാജീവൻ്റെ 'കെ.ടി.എൻ. കോട്ടൂർ എഴുത്തും ജീവിതവും' എന്ന നോവലിനെയും, രഞ്ജിത്ത് അതിനെ ആസ്പദമാക്കി സംവിധാനം ചെയ്ത 'ഞാൻ' എന്ന സിനിമയെയും മുൻനിർത്തിയുള്ള ഒരു താരതമ്യപഠനമാണിത്. സാഹിത്യരൂപങ്ങളെ സിനിമയാക്കുമ്പോൾ സംവിധായകൻ നേരിടുന്ന വെല്ലുവിളികളും കഥാഘടനയിൽ വരുത്തുന്ന കാലോചിതമായ മാറ്റങ്ങളും വിശകലനം ചെയ്യുന്നു. ഇരുപതാം നൂറ്റാണ്ടിന്റെ തുടക്കത്തിലെ ഗ്രാമീണ പശ്ചാത്തലവും ദേശീയ സ്വാതന്ത്ര്യസമരവും രാഷ്ട്രീയവും നോവലിലും സിനിമയിലും എങ്ങനെ പ്രതിഫലിക്കുന്നു എന്ന് വ്യക്തമാക്കുന്നു. കൂടാതെ, സ്ത്രീ കഥാപാത്രങ്ങളുടെ ആവിഷ്കാരത്തിലും കേന്ദ്ര കഥാപാത്രമായ കോട്ടൂരിന്റെ ചിത്രീകരണത്തിലും സിനിമയും നോവലും തമ്മിലുള്ള വ്യത്യാസങ്ങൾ പഠനവിധേയമാക്കുന്നു.