राणीमाशी: स्त्रीपुरुष संबंधांवर भाष्य

Abstract

शरणकुमार लिंबाळे यांनी आपल्या वाङ्मयीन वाटचालीमध्ये तीन आत्मनिवेदनात्मक पुस्तके लिहिली.’अक्करमाशी’ (१९८४), ‘बारामाशी’ (१९८८), ‘राणीमाशी’ (१९९२) यांचा उल्लेख होतो. दाहक जीवनानुभवातून ‘अक्करमाशी’ ची निर्मिती झाली आहे. तर ‘बारामाशी’ या आत्मकथनात लिंबाळे ‘दलित ब्राह्मण’ म्हणून पांढरपेशा मध्यमवर्गीय मनाची कबुली देतात, तर ‘राणीमाशी’ या तिसऱ्या आत्मनिवेदनात्मक पुस्तकात ‘विवाह बाह्य स्त्रीपुरूष संबंधा’चे चित्रण आले आहे.
मराठी साहित्यामध्ये तीन वेगवेगळ्या विषयावरील आत्मकथने लिहिण्याची ही एक अपवादात्मक पध्दत आहे. मात्र शरणकुमार लिंबाळे यांनी अशा वेगवेगळ्या विषयावर ‘आत्मकथने’ लिहून मराठी आत्मकथनामध्ये मोलाची भर टाकली आहे.