ತತ್ವಪದಗಳ ಪರಂಪರೆ ಮತ್ತು ಜಾತಿಯ ಕಲ್ಪನೆ

Abstract

ಕನ್ನಡ ನಾಡಿನ ಜೀವಂತ ಪರಂಪರೆಯಾಗಿರುವ ತತ್ವಪದಗಳು ಸಮಾಜದ ಜಾತಿ, ಧರ್ಮ ಮತ್ತು ವರ್ಣಾಶ್ರಮ ವ್ಯವಸ್ಥೆಯನ್ನು ಕಟುವಾಗಿ ವಿರೋಧಿಸುತ್ತವೆ. ಭಾರತೀಯ ಶ್ರಮಣಧಾರೆಗಳ ಪ್ರಭಾವವನ್ನು ಒಳಗೊಂಡಿರುವ ಈ ಅನುಭಾವ ಸಾಹಿತ್ಯವು, ಎಲ್ಲರಿಗೂ ಮುಕ್ತಿಯ ಸಮಾನ ಹಕ್ಕಿದೆ ಎಂದು ಸಾರುತ್ತದೆ. ಸಿದ್ಧ ಮತ್ತು ಗುರು ಪರಂಪರೆಗೆ ಸೇರಿದ ಸಾಧಕರು ದೇಹವನ್ನೇ ಸಾಧನೆಯ ವೇದಿಕೆಯನ್ನಾಗಿಸಿಕೊಂಡು, ಜ್ಞಾನಮಾರ್ಗದ ಮೂಲಕ ಸತ್ಯದ ಅನುಸಂಧಾನ ನಡೆಸುತ್ತಾರೆ. ಈ ಪಂಥದಲ್ಲಿ ಕುಲ, ಜಾತಿ, ಸೂತಕ ಮತ್ತು ಲಿಂಗ ಅಸಮಾನತೆಗೆ ಯಾವುದೇ ಸ್ಥಾನವಿಲ್ಲ; ಬದಲಾಗಿ ವಿಶ್ವಕುಟುಂಬಿಯ ಮನೋಭಾವ ಎದ್ದು ಕಾಣುತ್ತದೆ. ಸಮಾಜದ ಕಟ್ಟಕಡೆಯ ವ್ಯಕ್ತಿಗಳನ್ನೂ ಒಳಗೊಳ್ಳುವ ಈ ಪರಂಪರೆಯು, ತತ್ವಪದಗಳ ಮೂಲಕ ಸಾಮಾಜಿಕ ಅಸಮಾನತೆಗಳನ್ನು ನಿರಾಕರಿಸಿ ಮನುಷ್ಯರೆಲ್ಲರೂ ಸಮಾನರು ಎಂಬ ತಾತ್ವಿಕತೆಯನ್ನು ಬಲವಾಗಿ ಪ್ರತಿಪಾದಿಸಿದೆ.