ದಲಿತ ಮಹಿಳಾ ಕಾವ್ಯದಲ್ಲಿ ಜಾತಿ ಸಂಘರ್ಷದ ನೆಲೆಗಳು

Abstract

ಭಾರತೀಯ ಸಮಾಜವನ್ನು ಶತಮಾನಗಳಿಂದ ಕಾಡುತ್ತಿರುವ ಜಾತೀಯತೆ ಮತ್ತು ಶ್ರೇಣೀಕೃತ ವ್ಯವಸ್ಥೆಯು ದಲಿತರ ಮತ್ತು ನಿರ್ಗತಿಕರ ಬದುಕನ್ನು ದುರಂತದತ್ತ ತಳ್ಳಿದೆ. ವಚನಕಾರರು ಮತ್ತು ದಾಸರಂತೆಯೇ, ಸಮಕಾಲೀನ ದಲಿತ ಮಹಿಳಾ ಕವಯಿತ್ರಿಯರು ಕಾವ್ಯದ ಮುಖಾಂತರ ಜಾತಿ ವ್ಯವಸ್ಥೆಯ ಕ್ರೂರತ್ವವನ್ನು ಪ್ರಶ್ನಿಸಿದ್ದಾರೆ. ಜಯದೇವಿ ಗಾಯಕವಾಡ, ಅನುಸೂಯ ಕಾಂಬಳೆ, ಸುಜಾತ ಚಲವಾದಿ, ಎನ್. ಡಿ. ವೆಂಕಟಮ್ಮ ಮತ್ತು ಮಲ್ಲಮ್ಮ ಯಾಟಗಲ್ ಅವರಂತಹ ಕವಯಿತ್ರಿಯರು ದಲಿತರ ಮೇಲಿನ ಹಿಂಸೆ, ಕಂಬಾಲಪಲ್ಲಿಯಂತಹ ಹತ್ಯಾಕಾಂಡಗಳು, ನಗರ ಪ್ರದೇಶದ ಸ್ಲಂಗಳಲ್ಲಿನ ಅಸ್ಪೃಶ್ಯತೆ ಹಾಗೂ ಶವಗಳ ಮೇಲೂ ನಡೆಯುವ ತಾರತಮ್ಯವನ್ನು ಎಳೆಎಳೆಯಾಗಿ ಬಿಚ್ಚಿಟ್ಟಿದ್ದಾರೆ. ಶಿಕ್ಷಣ, ಸಂಘಟನೆ ಮತ್ತು ಅಂಬೇಡ್ಕರ್ ವಿಚಾರಧಾರೆಗಳ ಮೂಲಕ ಸ್ವಾಭಿಮಾನದ ಬದುಕು ಕಟ್ಟಿಕೊಳ್ಳುವ ಭರವಸೆಯನ್ನು ಕಾವ್ಯಗಳು ಮೂಡಿಸುತ್ತವೆ.