ആത്മഛായയിലെ മായികവർണ്ണങ്ങൾ

Abstract

മാധവിക്കുട്ടിയുടെ 'എൻ്റെ കഥ' എന്ന കൃതിയെക്കുറിച്ചുള്ള പുനർവായനയാണ് ഇവിടെ അവതരിപ്പിക്കുന്നത്. ഇതൊരു സാധാരണ ആത്മകഥയല്ലെന്നും, മറിച്ച് സത്യവും മിഥ്യയും ഇടകലർന്ന ഒരു കാവ്യാത്മക രചനയാണെന്നും (Poetic Autobiography) നിരീക്ഷിക്കപ്പെടുന്നു. നാലപ്പാട്ടെ തറവാടും, കൊൽക്കത്തയിലെ ജീവിതവും, സ്ത്രീശരീരത്തെയും ലൈംഗികതയെയും കുറിച്ചുള്ള തുറന്നുപറച്ചിലുകളും എങ്ങനെയാണ് ഈ കൃതിയെ അസാധാരണമാക്കുന്നത് എന്ന് വിശകലനം ചെയ്യുന്നു. യാഥാർത്ഥ്യത്തിനും സങ്കൽപ്പത്തിനുമിടയിലുള്ള മാധവിക്കുട്ടിയുടെ സർഗ്ഗാത്മക ജീവിതത്തെയും, സമൂഹത്തിൽ അത് സൃഷ്ടിച്ച പ്രകമ്പനങ്ങളെയും ലേഖനം ചർച്ച ചെയ്യുന്നു.