ಸುಧಾಮೂರ್ತಿಯವರ ಕಾಂಬರಿಗಳಲ್ಲಿ ವಿವಾಹ ಮತ್ತು ಮಹಿಳೆ

Abstract

ಕನ್ನಡದ ಪ್ರಮುಖ ಲೇಖಕಿ ಸುಧಾಮೂರ್ತಿಯವರ ಕಾದಂಬರಿಗಳಲ್ಲಿ ಮಹಿಳೆ ಮತ್ತು ವಿವಾಹ ಸಂಸ್ಥೆಯನ್ನು ಚಿತ್ರಿಸಿರುವ ಬಗೆಯನ್ನು ಇಲ್ಲಿ ವಿಶ್ಲೇಷಿಸಲಾಗಿದೆ. 'ಮಹಾಶ್ವೇತೆ', 'ಅವ್ಯಕ್ತ', 'ಡಾಲರ್ ಸೊಸೆ' ಮುಂತಾದ ಕೃತಿಗಳಲ್ಲಿ ಕಂಡುಬರುವ ಸ್ತ್ರೀ ಪಾತ್ರಗಳು ಸಾಂಪ್ರದಾಯಿಕ ಚೌಕಟ್ಟು ಮತ್ತು ಆಧುನಿಕತೆಯ ನಡುವಿನ ಸಂಘರ್ಷವನ್ನು ಎದುರಿಸುತ್ತವೆ. ವರದಕ್ಷಿಣೆ ಸಮಸ್ಯೆ, ಗಂಡು ಮಗುವಿನ ಮೇಲಿನ ವ್ಯಾಮೋಹ, ಮತ್ತು ವಿವಾಹದ ನಂತರ ಮಹಿಳೆ ಅನುಭವಿಸುವ ಕೌಟುಂಬಿಕ ಒತ್ತಡಗಳನ್ನು ಲೇಖಕಿ ವಾಸ್ತವಿಕವಾಗಿ ಚಿತ್ರಿಸಿದ್ದಾರೆ. ಶಿಕ್ಷಣ ಮತ್ತು ಉದ್ಯೋಗದ ಮೂಲಕ ಮಹಿಳೆಯರು ಸ್ವಾವಲಂಬಿಗಳಾಗುತ್ತಿದ್ದರೂ, ಕೌಟುಂಬಿಕ ವ್ಯವಸ್ಥೆಯಲ್ಲಿ ಹೆಣ್ಣಿನ ಸ್ಥಾನಮಾನ ಮತ್ತು ಅವಳ ಮೇಲಿನ ಶೋಷಣೆ ಇನ್ನೂ ಬದಲಾಗಬೇಕಿದೆ. ಆಧುನಿಕ ತಂತ್ರಜ್ಞಾನ ಮತ್ತು ಬದಲಾಗುತ್ತಿರುವ ಜೀವನಶೈಲಿಯು ದಾಂಪತ್ಯ ಸಂಬಂಧಗಳ ಮೇಲೆ ಬೀರುತ್ತಿರುವ ಪರಿಣಾಮಗಳನ್ನು ಸುಧಾಮೂರ್ತಿಯವರ ಪಾತ್ರಗಳ ಮೂಲಕ ಲೇಖನದಲ್ಲಿ ಗುರುತಿಸಲಾಗಿದೆ.