ಮಹಿಳಾ ಸಬಲೀಕರಣಕ್ಕೆ ಡಾ. ಬಿ. ಆರ್. ಅಂಬೇಡ್ಕರ್‌ ರವರ ಕೊಡುಗೆ

Abstract

ಭಾರತೀಯ ಸಂವಿಧಾನದ ಪಿತಾಮಹರೆನಿಸಿದ ಡಾ. ಭೀಮರಾವ್ ರಾಮ್‌ ಜಿ ಅಂಬೇಡ್ಕರ್ (1891-1956) ರವರು ಓರ್ವ ಮಹಾನ್ ನ್ಯಾಯಶಾಸ್ತ್ರಜ್ಞ, ಸಮಾಜಶಾಸ್ತ್ರಜ್ಞ ಹಾಗೂ ಒಟ್ಟಾರೆಯಾಗಿ ಜಗತ್ತು ಕಂಡ ಮಹಾನ್ ಸುಧಾರಕರು ಆಗಿದ್ದರು. ಅದಲ್ಲದೆ ಆಧುನಿಕ ಭಾರತದಲ್ಲಿ ಮಹಿಳಾ ಹಕ್ಕುಗಳ ಪ್ರಮುಖ ಪ್ರತಿಪಾದಕರಲ್ಲಿ ಒಬ್ಬರಾಗಿ ಮಹಾನ್ ಸ್ತ್ರೀವಾದಿ ಎನಿಸಿಕೊಂಡರು; ಸಮಾನತೆ, ಪ್ರಜಾಪ್ರಭುತ್ವ ಮತ್ತು ನ್ಯಾಯದ ಅವರ ದೃಷ್ಟಿಕೋನವು ಭಾರತೀಯ ಮಹಿಳೆಯರ ನೈಜ ಸ್ವಾತಂತ್ರ್ಯಕ್ಕೆ ಕಾರಣವಾಯಿತು. ಧರ್ಮ ಮತ್ತು ಸಮಾಜದಲ್ಲಿ ಹುದುಗಿರುವ ಮನುವಾದವನ್ನು ಹಾಗೂ ಪಿತೃ ಪ್ರಧಾನ ಸಂಪ್ರದಾಯಗಳನ್ನು ಅಂಬೇಡ್ಕರ್ ಪ್ರಶ್ನಿಸಿದರು, ಮಹಿಳೆಯರ ಶಿಕ್ಷಣ, ಕಾರ್ಮಿಕ ಹಕ್ಕುಗಳು ಮತ್ತು ಆಸ್ತಿ ಮಾಲೀಕತ್ವಕ್ಕಾಗಿ ಹೋರಾಡಿದರು ಮತ್ತು ಭಾರತೀಯ ಸಂವಿಧಾನದಲ್ಲಿ ಲಿಂಗ ಸಮಾನತೆಯನ್ನು ಪ್ರತಿಷ್ಠಾಪಿಸಿದರು. ಆದ್ದರಿಂದ ಈ ಪ್ರಬಂಧವು ಡಾ. ಬಿ. ಆರ್. ಅಂಬೇಡ್ಕರ್ ರವರ ಬರಹಗಳು, ಶಾಸಕಾಂಗ ಪ್ರಯತ್ನಗಳು ಮತ್ತು ಸಾಂವಿಧಾನಿಕ ತತ್ವಗಳ ಮೂಲಕ ಮಹಿಳಾ ಸಬಲೀಕರಣಕ್ಕೆ ಅವರ ಬಹು ಆಯಾಮದ ಕೊಡುಗೆಗಳನ್ನು ಪರಿಶೋಧಿಸುತ್ತದೆ ಮತ್ತು ಇಂದಿನ ಆಧುನಿಕ ಭಾರತದಲ್ಲಿ ಅವುಗಳ ಪ್ರಸ್ತುತತೆಯನ್ನು ನಿರ್ಣಯಿಸುತ್ತದೆ.