ದೇವನೂರು ಮಹಾದೇವರ ಕಥನ ನಿರೂಪಣಾ ಶೈಲಿ ಮತ್ತು ಭಾಷಾ ವೈವಿಧ್ಯತೆ

Abstract

ದೇವನೂರು ಮಹಾದೇವರ ಸಣ್ಣಕಥೆಗಳು ದಲಿತ ಲೋಕಾನುಭವ ಮತ್ತು ಹೊಸ ಅಭಿವ್ಯಕ್ತಿ ಕ್ರಮವನ್ನು ಪರಿಚಯಿಸುತ್ತವೆ. 'ಮಾರಿಕೊಂಡವರು' ಮತ್ತು 'ಡಾಂಬರು ಬಂದುದು' ಕಥೆಗಳನ್ನು ದೃಷ್ಟಾಂತವಾಗಿಟ್ಟುಕೊಂಡು, ಲೇಖಕರು ಬಳಸುವ ದೇಸಿ ಭಾಷೆ, ಆಡುಮಾತು ಮತ್ತು ಮೌನದ ಮೂಲಕ ಕಟ್ಟಿಕೊಡುವ ಅರ್ಥವಂತಿಕೆಯನ್ನು ಇಲ್ಲಿ ವಿಶ್ಲೇಷಿಸಲಾಗಿದೆ. ಕಥೆಗಾರರು ಪಾತ್ರಗಳ ಮೂಲಕ ಶ್ರೇಣೀಕೃತ ಸಮಾಜದ ಅಸಮಾನತೆ, ಶೋಷಣೆ ಮತ್ತು ಆಧುನಿಕತೆಯ ಪ್ರವೇಶದಿಂದ ಗ್ರಾಮೀಣ ಬದುಕಿನಲ್ಲಿ ಉಂಟಾಗುವಲ್ಲೋಲಕಲ್ಲೋಲಗಳನ್ನು ಮಾರ್ಮಿಕವಾಗಿ ಚಿತ್ರಿಸಿದ್ದಾರೆ. ಭಾಷೆಯ ಬಳಕೆಯಲ್ಲಿನ ವಕ್ರತೆ, ವ್ಯಂಗ್ಯ ಮತ್ತು ಧ್ವನಿಪೂರ್ಣತೆಯು ಕಥೆಯ ವಸ್ತುವಿಗೆ ಹೊಸ ಆಯಾಮವನ್ನು ನೀಡುತ್ತದೆ. ದಲಿತ ಬಂಡಾಯ ಸಾಹಿತ್ಯದ ಹಿನ್ನೆಲೆಯಲ್ಲಿ ಈ ಕಥೆಗಳ ಭಾಷಿಕ ವೈವಿಧ್ಯತೆ ಮತ್ತು ನಿರೂಪಣಾ ತಂತ್ರಗಳು ಓದುಗರನ್ನು ಆಳವಾದ ಚಿಂತನೆಗೆ ಹಚ್ಚುತ್ತವೆ. ಆಡುನುಡಿಯ ಸೊಗಡಿನ ಮೂಲಕವೇ ಸಂಕೀರ್ಣ ಸಾಮಾಜಿಕ ಸತ್ಯಗಳನ್ನು ದೇವನೂರರು ತೆರೆದಿಡುತ್ತಾರೆ.