ಅಕ್ಕ ಮಹಾದೇವಿ ಮತ್ತು ಮೀರಾಬಾಯಿ ಅವರ ಕವಿತೆಗಳಲ್ಲಿನ ಭಕ್ತಿ ರಸ

Abstract

ಭಾರತೀಯ ಭಕ್ತಿ ಪರಂಪರೆಯ ಪ್ರಮುಖ ಕವಯಿತ್ರಿಯರಾದ 12ನೇ ಶತಮಾನದ ಅಕ್ಕ ಮಹಾದೇವಿ ಮತ್ತು 16ನೇ ಶತಮಾನದ ಮೀರಾಬಾಯಿ ಅವರ ಕಾವ್ಯಗಳಲ್ಲಿನ 'ಭಕ್ತಿ ರಸ'ದ ಸ್ವರೂಪವನ್ನು ತೌಲನಿಕವಾಗಿ ವಿಶ್ಲೇಷಿಸುತ್ತದೆ. ಅಕ್ಕ ಮಹಾದೇವಿಯ ಭಕ್ತಿಯು ವೈರಾಗ್ಯ, ಜ್ಞಾನ ಮತ್ತು ನಿರ್ಲಿಪ್ತತೆಯಿಂದ ಕೂಡಿದ್ದರೆ, ಮೀರಾಬಾಯಿಯ ಭಕ್ತಿಯು ಪ್ರೇಮ, ಸಮರ್ಪಣೆ ಮತ್ತು ಮಧುರ ಭಾವದಿಂದ ಕೂಡಿದೆ ಎಂದು ಅಧ್ಯಯನವು ಗುರುತಿಸುತ್ತದೆ. ಈ ವಿಭಿನ್ನ ಮಾರ್ಗಗಳ ಹೊರತಾಗಿಯೂ, ಇಬ್ಬರೂ ಪಿತೃಪ್ರಧಾನ ಸಮಾಜದ ಕಟ್ಟುಪಾಡುಗಳನ್ನು ಮೀರಿ, ಭಕ್ತಿಯನ್ನೇ ಸ್ತ್ರೀ ಸ್ವಾತಂತ್ರ್ಯ ಮತ್ತು ಆತೋದ್ಧಾರಕ್ಕೆ ಸಾಧನವನ್ನಾಗಿ ಮಾಡಿಕೊಂಡ ಬಗೆಯನ್ನು ಚರ್ಚಿಸಲಾಗಿದೆ. ಅಂತಿಮವಾಗಿ, ಭಕ್ತಿಯ ಅಭಿವ್ಯಕ್ತಿ ಭಿನ್ನವಾಗಿದ್ದರೂ, ಅದರ ಆಧ್ಯಾತ್ಮಿಕ ಗುರಿ ಮತ್ತು ಸಾಮಾಜಿಕ ಪ್ರತಿರೋಧದ ಆಶಯ ಒಂದೇ ಎಂಬುದನ್ನು ಈ ಪ್ರಬಂಧವು ಪ್ರತಿಪಾದಿಸುತ್ತದೆ.