‘ನರೆಯಂಗಲ್ ಪನ್ನೆರಡು’ ಪ್ರದೇಶ - ಪದ ನಿಷ್ಪತ್ತಿ, ಸ್ಥಳನಾಮ ವಿವೇಚನೆ

Abstract

ಉತ್ತರ ಕರ್ನಾಟಕದ ಪ್ರಾಚೀನ ಆಡಳಿತ ವಿಭಾಗವಾದ ‘ಬೆಳವಲ-300’ರ ಪ್ರಮುಖ ಉಪವಿಭಾಗವಾಗಿದ್ದ ‘ನರೆಯಂಗಲ್ ಪನ್ನೆರಡು’ (12 ಹಳ್ಳಿಗಳ ಸಮೂಹ) ಪ್ರದೇಶದ ಐತಿಹಾಸಿಕ, ಭೌಗೋಳಿಕ ಹಾಗೂ ಸಾಂಸ್ಕೃತಿಕ ಮಹತ್ವವನ್ನು ಶಾಸನಗಳ ಆಧಾರದ ಮೇಲೆ ಇಲ್ಲಿ ವಿಶ್ಲೇಷಿಸಲಾಗಿದೆ. ರಾಷ್ಟ್ರಕೂಟ ಮತ್ತು ಕಲ್ಯಾಣ ಚಾಲುಕ್ಯರ ಕಾಲದಲ್ಲಿ ಪ್ರವರ್ಧಮಾನಕ್ಕೆ ಬಂದಿದ್ದ ಈ ಆಡಳಿತ ಕೇಂದ್ರದ ಗ್ರಾಮಗಳಾದ ನರೇಗಲ್, ಕೋಟುಮುಚಗಿ, ಅಬ್ಬಿಗೇರಿ, ಜಕ್ಕಲಿ, ಹಾಲಕೇರಿ ಮುಂತಾದವುಗಳ ಸ್ಥಳನಾಮಗಳ ಉಗಮ, ವಿಕಾಸ ಹಾಗೂ ಪದನಿಷ್ಪತ್ತಿಯನ್ನು ವಸ್ತುನಿಷ್ಠವಾಗಿ ಚರ್ಚಿಸಲಾಗಿದೆ. ಕಾಲಾನಂತರದಲ್ಲಿ ಆಯಾ ಗ್ರಾಮಗಳ ಪ್ರಾಚೀನ ಹೆಸರುಗಳು ಇಂದಿನ ರೂಢಿಗತ ಹೆಸರುಗಳಾಗಿ ಹೇಗೆ ಮಾರ್ಪಾಡು ಹೊಂದಿದವು ಎಂಬುದನ್ನು ಭೌಗೋಳಿಕ ಹಾಗೂ ಸಾಮಾಜಿಕ ಹಿನ್ನೆಲೆಯೊಂದಿಗೆ ವಿವರಿಸಲಾಗಿದೆ. ಈ ಮೂಲಕ ಸ್ಥಳನಾಮಗಳ ಅಧ್ಯಯನವು ನಮ್ಮ ಪೂರ್ವಜರ ಇತಿಹಾಸ ಮತ್ತು ಸಂಸ್ಕೃತಿಯನ್ನು ಹೇಗೆ ಮರುಸೃಷ್ಟಿಸುತ್ತದೆ ಎಂಬ ಅಂಶವನ್ನು ದೃಢಪಡಿಸಲಾಗಿದೆ.