ಮಳವಳ್ಳಿಯ ಪ್ರದೇಶದ ಭಾಷಾ ವೈಶಿಷ್ಟ್ಯತೆ

Abstract

ಮಳವಳ್ಳಿ ಪ್ರಾಂತ್ಯದ ಕನ್ನಡ ಉಪಭಾಷೆಯು ತನ್ನದೇ ಆದ ವಿಶಿಷ್ಟ ಧ್ವನಿಮಾ ಮತ್ತು ಪದರಚನಾ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ. ದ್ರಾವಿಡ ಭಾಷಾ ಮೂಲದ ಅಂಶಗಳನ್ನು ಉಳಿಸಿಕೊಂಡಿರುವ ಈ ಪ್ರಾದೇಶಿಕ ಸೊಗಡು, ಜನಸಾಮಾನ್ಯರ ಆಡುಮಾತಿನಲ್ಲಿ ಮತ್ತು ದಲಿತರ ಬಳಕೆಯಲ್ಲಿ ಇಂದಿಗೂ ಜೀವಂತವಾಗಿದೆ. ರಾಜಕೀಯ ಮತ್ತು ಶೈಕ್ಷಣಿಕ ವಲಯಗಳಲ್ಲಿ ಶಿಷ್ಟ ಭಾಷೆಯ ಹೇರಿಕೆಯ ನಡುವೆಯೂ, ಮಳವಳ್ಳಿ ಕನ್ನಡವು ತನ್ನತನವನ್ನು ಕಾಯ್ದುಕೊಂಡಿದೆ. ಇಲ್ಲಿನ ನಾಮಪದ, ಕ್ರಿಯಾಪದ ಮತ್ತು ವಿಶೇಷಣಗಳ ಬಳಕೆಯು ಭಾಷಾಶಾಸ್ತ್ರದ ದೃಷ್ಟಿಯಿಂದ ಕುತೂಹಲಕಾರಿಯಾಗಿದೆ. ಮಹಾಪ್ರಾಣಾಕ್ಷರಗಳ ಬಳಕೆಯಿಲ್ಲದಿರುವುದು ಮತ್ತು ಹ-ಕಾರ, ಷ-ಕಾರಗಳ ವಿಶಿಷ್ಟ ಪದ ಪ್ರಯೋಗಗಳು ಈ ಭಾಷೆಯ ಅನನ್ಯತೆಯನ್ನು ಸಾರುತ್ತವೆ. ಪ್ರಾದೇಶಿಕ ಭಾಷಾ ವೈವಿಧ್ಯತೆಯು ಒಂದು ಸಂಸ್ಕೃತಿಯ ಜೀವಂತಿಕೆಗೆ ಸಾಕ್ಷಿಯಾಗಿದ್ದು, ಮಳವಳ್ಳಿ ಕನ್ನಡದ ಪದಬಳಕೆ ಮತ್ತು ಅರ್ಥವ್ಯಾಪ್ತಿಯನ್ನು ಇಲ್ಲಿ ಕೂಲಂಕುಷವಾಗಿ ಪರಿಶೀಲಿಸಲಾಗಿದೆ