ಬೆಳ್ಕೊಳ ನಾಡಿನ ಸೂಫಿ ಸಂತರು

Abstract

ಪ್ರಾಚೀನ ಕರ್ನಾಟಕದ ಚರಿತ್ರೆಯಲ್ಲಿ ಬೆಳ್ವಲನಾಡು ಅಥವಾ ಬೆಳ್ಕೊಳ ನಾಡು ಫಲವತ್ತಾದ ಕಪ್ಪು ಮಣ್ಣಿನ ಪ್ರದೇಶವಾಗಿದ್ದು, ಇಲ್ಲಿನ ಸೂಫಿ ಸಂತರ ಪರಂಪರೆ ಭಾವೈಕ್ಯತೆಯ ಸಂಕೇತವಾಗಿದೆ. ಗದಗ, ಧಾರವಾಡ ಮತ್ತು ಬಾಗಲಕೋಟೆ ಜಿಲ್ಲೆಗಳ ವ್ಯಾಪ್ತಿಯನ್ನು ಒಳಗೊಂಡಿರುವ ಈ ಪ್ರದೇಶದಲ್ಲಿ ಹಜರತ್ ಸೈಯದ್ ಮಕ್ಖುಮ್-ಷಾ ಹುಸೇನಿ, ರಾಜಾಬಾಗ ಸವಾರ (ಚಾಂಗದೇವ), ದೂದ್ ಪೀರಾಂ ಮತ್ತು ಫಕೀರಸ್ವಾಮಿಗಳಂತಹ ಪ್ರಮುಖ ಸೂಫಿ ಸಂತರು ನೆಲೆಸಿದ್ದಾರೆ. ಈ ಸಂತರ ದರ್ಗಾಗಳಲ್ಲಿ ಜಾತಿ-ಧರ್ಮದ ಭೇದವಿಲ್ಲದೆ ನಡೆಯುವ ಉರುಸು, ಮೊಹರಂ ಆಚರಣೆಗಳು ಮತ್ತು ಪವಾಡಗಳು ಜನಪದ ನಂಬಿಕೆಗಳೊಂದಿಗೆ ಬೆರೆತು ಹೋಗಿವೆ. ಸೂಫಿ ಪಂಥವು ಕೇವಲ ಧರ್ಮವಾಗಿರದೆ, ಲೋಕವನ್ನು ಅರ್ಥಮಾಡಿಕೊಳ್ಳುವ ತತ್ವಜ್ಞಾನವಾಗಿದೆ ಎಂಬುದನ್ನು ಇಲ್ಲಿನ ಆಚರಣೆಗಳು ಸ್ಪಷ್ಟಪಡಿಸುತ್ತವೆ. ಸ್ಥಳೀಯ ಸಂಸ್ಕೃತಿಯೊಂದಿಗೆ ಬೆರೆತಿರುವ ಈ ಸೂಫಿ ಪರಂಪರೆಯು ಸಮಾಜದ ಸ್ವಾಸ್ಥ್ಯವನ್ನು ಕಾಪಾಡುವಲ್ಲಿ ಮತ್ತು ಕೋಮು ಸೌಹಾರ್ದತೆಯನ್ನು ಎತ್ತಿಹಿಡಿಯುವಲ್ಲಿ ಮಹತ್ವದ ಪಾತ್ರವನ್ನು ವಹಿಸಿದೆ.