ಅನುವಾದದ ವೈಶಿಷ್ಟ್ಯತೆ

Abstract

ಭಾಷಾಂತರವು ವಿಭಿನ್ನ ಭಾಷಿಕರ ಸಂಸ್ಕೃತಿ, ಜೀವನ ಕ್ರಮ ಮತ್ತು ಆಚಾರ-ವಿಚಾರಗಳ ನಡುವೆ ಸಂಪರ್ಕ ಸೇತುವೆಯಾಗಿ ಕಾರ್ಯನಿರ್ವಹಿಸುತ್ತದೆ. ಕಾವ್ಯ, ಕಥೆ ಮುಂತಾದ ಸಾಹಿತ್ಯ ಪ್ರಕಾರಗಳನ್ನು ಮತ್ತೊಂದು ಭಾಷೆಗೆ ತರುವಾಗ, ಮೂಲಭಾಷೆಯ ವ್ಯಾಕರಣ, ನಾಣ್ಣುಡಿ ಹಾಗೂ ಪಾರಿಭಾಷಿಕ ಪದಗಳಿಗೆ ಚ್ಯುತಿ ಬಾರದಂತೆ ಲಕ್ಷ್ಯಭಾಷೆಗೆ ಅಳವಡಿಸುವುದು ಅನುವಾದಕನ ಸೃಜನಶೀಲತೆಯನ್ನು ಅವಲಂಬಿಸಿರುತ್ತದೆ. ಮೂಲದ ಭಾವ, ಅರ್ಥ, ತಾಳ ಮತ್ತು ಲಯಗಳನ್ನು ಕರಾರುವಾಕ್ಕಾಗಿ ಗ್ರಹಿಸಿ, ಅನವಶ್ಯಕ ಸ್ವಾತಂತ್ರ್ಯವನ್ನು ಬಳಸದೆ ಯಥಾವತ್ತಾಗಿ ತದ್ರೂಪಾಗಿ ಅನುವಾದಿಸುವುದು ಅತ್ಯಂತ ಮಹತ್ವದ್ದಾಗಿದೆ. ಕನ್ನಡ ಮತ್ತು ತಮಿಳು ಭಾಷೆಗಳ ನಡುವಿನ ಅನುವಾದ ಪ್ರಕ್ರಿಯೆಯ ಉದಾಹರಣೆಗಳ ಮೂಲಕ, ಅನುವಾದದಲ್ಲಿ ನೈಜತೆ, ಪದಬಳಕೆಯ ಮಿತಿ ಹಾಗೂ ಅನುವಾದಕನ ಜವಾಬ್ದಾರಿಗಳನ್ನು ವಿಸ್ತೃತವಾಗಿ ವಿಶ್ಲೇಷಿಸಲಾಗಿದೆ.