ಮಾದಿಗ ಸಮುದಾಯದ ಸಾಂಸ್ಕೃತಿಕ ಅಧ್ಯಯನಗಳು

Abstract

ಮಾದಿಗ ಸಮುದಾಯವು ಭಾರತೀಯ ಸಮಾಜದ ಮೂಲನೆಲೆಗಳನ್ನು ಒಳಗೊಂಡಿರುವ ಅತ್ಯಂತ ಪ್ರಾಚೀನ ಜನಾಂಗವಾಗಿದೆ. ನಾಗರಿಕತೆಗೂ ಮುನ್ನಿನ ಜಗತ್ತನ್ನು ಈ ಸಮುದಾಯ ಗುಪ್ತವಾಗಿ ಜೀವಂತವಾಗಿರಿಸಿಕೊಂಡಿದೆ. ಆರ್ಯರ ಆಗಮನಕ್ಕೂ ಮುನ್ನಿನ ಸಾಂಸ್ಕೃತಿಕ ಜಗತ್ತು ಮತ್ತು ಜಾತಿ ವ್ಯವಸ್ಥೆ ರೂಪುಗೊಳ್ಳುವುದಕ್ಕಿಂತ ಹಿಂದಿನ ಮಾನವೀಯ ಮೌಲ್ಯಗಳನ್ನು ಅರಿಯಲು ಮಾದಿಗರ ಅಧ್ಯಯನಗಳು ಅತ್ಯಗತ್ಯವಾಗಿವೆ. ಎಸ್.ಆರ್. ಗುರುನಾಥ್, ಶಿವಾನಂದ ಕೆಳಗಿನಮನಿ, ಎಮ್ಮಾ ರೋಶಾಂಬು, ಮೈಲನಹಳ್ಳಿ ರೇವಣ್ಣ, ಡಾ.ಕೆ.ಆರ್.ಜೆ. ರಾಜಕುಮಾರ್ ಮುಂತಾದ ವಿದ್ವಾಂಸರು ಮಾದಿಗ, ಮಾದಿಗ-ಲಿಂಗಾಯಿತ ಮತ್ತು ದಕ್ಕಲರ ಸಾಂಸ್ಕೃತಿಕ ಹಾಗೂ ಚಾರಿತ್ರಿಕ ಸ್ಥಿತ್ಯಂತರಗಳ ಮೇಲೆ ಬೆಳಕು ಚೆಲ್ಲಿದ್ದಾರೆ. ಶ್ರಮಸಮುದಾಯಗಳಿಗೆ ಸಾಮಾಜಿಕ ನ್ಯಾಯ ಒದಗಿಸುವ ದೃಷ್ಟಿಯಿಂದ ಇವರ ಪುರಾಣ ಹಾಗೂ ಆಚರಣೆಗಳ ಅಧ್ಯಯನವು ಪ್ರಸ್ತುತವಾಗಿದೆ.