ಕೈವಾರ ಮುನಿಯಮ್ಮನ ಕತೆ: ಒಂದು ಪುನರವಲೋಕನ

Abstract

ತತ್ತ್ವಪದಕಾರ ಕೈವಾರ ನಾರೇಣಪ್ಪನವರ ಹೆಂಡತಿ ಕೈವಾರ ಮುನಿಯಮ್ಮನನ್ನು ಇತಿಹಾಸ ಮತ್ತು ಸಾಹಿತ್ಯದಲ್ಲಿ ಕೇವಲ ಒಬ್ಬ ಗಯ್ಯಾಳಿಯಾಗಿ, ಪತಿಪೀಡಕಿಯಾಗಿ ಚಿತ್ರಿಸಲಾಗಿದೆ. ಆದರೆ ಆಕೆ ಗಂಡನ ಧ್ಯಾನದ ಸಮಯದಲ್ಲಿ ಸಂಸಾರ ಮತ್ತು ಕಾಯಕದ ಜವಾಬ್ದಾರಿಯನ್ನು ಹೊತ್ತ ದಿಟ್ಟ ಮಹಿಳೆ. ನಾರೇಣಪ್ಪನವರೇ ಆಕೆಯನ್ನು ತಮ್ಮ 'ಮೊದಲ ಗುರು' ಎಂದು ಕರೆದಿದ್ದಾರೆ. ಕಾಯಕ ತತ್ತ್ವದ ಮಹತ್ವವನ್ನು ತಿಳಿಸಿದ ಮುನಿಯಮ್ಮ, ನಾರೇಣಪ್ಪನವರ ಯೋಗಸಾಧನೆಗೆ ಪರೋಕ್ಷವಾಗಿ ಸಹಕರಿಸಿದಳು. ಬದಲಾದ ಚಾರಿತ್ರಿಕ, ಸಾಮಾಜಿಕ ಮೌಲ್ಯಗಳಿಂದಾಗಿ ತತ್ತ್ವಪದ ಮತ್ತು ದಾಸ ಸಾಹಿತ್ಯದಲ್ಲಿ ಸ್ತ್ರೀಯರು ನಿರ್ಲಕ್ಷ್ಯಕ್ಕೆ ಒಳಗಾದರು. ಮಹಿಳಾ ಸಾಧಕಿಯರನ್ನು ಗಯ್ಯಾಳಿಗಳಾಗಿ ಬಿಂಬಿಸಿದ ಚಾರಿತ್ರಿಕ ಕಾರಣಗಳನ್ನು ಶೋಧಿಸಿ, ಮುನಿಯಮ್ಮನ ಕಾಯಕ ನಿಷ್ಠೆ ಮತ್ತು ಆಧ್ಯಾತ್ಮಿಕ ಕೊಡುಗೆಯನ್ನು ಮರುಮೌಲ್ಯಮಾಪನ ಮಾಡುವುದು ಅತ್ಯಗತ್ಯ.