ಮೌಲ್ಯ ಸಾಹಿತ್ಯದ ಹಿರಿಮೆ-ಗರಿಮೆ

Abstract

ಪ್ರಾರಂಭದ ಶರಣರ ಚಳುವಳಿಯಿಂದ ದಾಸ ಸಾಹಿತ್ಯವನ್ನೊಳಗೊಂಡು ಮುಂದುವರೆದು ಬೆಳೆದ ತತ್ವಸಾಹಿತ್ಯದವರೆಗೆ ಕಾಯಕಪ್ರಜ್ಞೆ, ಭಕ್ತಿಯ ಆರಾಧನೆ, ಅಂತರಂಗ ಬಹಿರಂಗಶುದ್ಧಿಯ ಚಿಂತನೆ, ಎಂಥಹದ್ದೇ ಕಠಿಣ ಸಂದರ್ಭದಲ್ಲಿಯೂ ಜೀವಕಾಳಜಿಯನ್ನು ಮರೆಯದೇ, ಜೀವನ ಪ್ರೀತಿಯನ್ನು ಪ್ರತಿಪಾದಿಸಿರುವುದು ಮೆಚ್ಚತಕ್ಕ ಸಂಗತಿಯಾಗಿದೆ. ಅದಲ್ಲದೇ ಸತ್ಯಶುದ್ಧ ಮಾರ್ಗದ ಪ್ರತಿಪಾದನೆಯೇ ಅಲ್ಲೆಲ್ಲಾ ನಡೆದಿರುವುದು ಸರ್ವವಿಧಿತ. ಈ ಮಾದರಿಯ ಸಾಹಿತ್ಯದ ಸಿರಿಯಿಂದಲೇ ಕನ್ನಡದ ಇಂದಿನ ಸಾಹಿತ್ಯ ಪ್ರಿಯರು ಕಲಿಯಬೇಕಾದ ಮೌಲ್ಯಗಳು ಸಾಕಷ್ಟಿವೆ. ಬದುಕಿನಲ್ಲಿ ಭರವಸೆಯ ಅಲೆಯನ್ನು ಮೂಡಿಸಬಲ್ಲ ಇಂತಹ ಸಾಹಿತ್ಯವನ್ನು ಮುಂದಿನ ಪೀಳಿಗೆಗೆ ಕೊಂಡೊಯ್ಯುವ ನಾವಿಕರು ನಾವಾದರೆ ಕನ್ನಡ ಸಾಹಿತ್ಯಕ್ಕೆ ಕಿಂಚಿತ್ತದಾರೂ ಸೇವೆಸಲ್ಲಿಸಿದ ಸುಯೋಗ ಖಂಡಿತವಾಗಿ ನಮ್ಮದಾಗಲಿದೆ ಎಂಬ ಆಶಯವನ್ನು ವ್ಯಕ್ತಪಡಿಸುತ್ತೇನೆ.